Plantun de Prouvènço

Pèr coumpara dos planto d'encò nostre

Geranium robertianum & Trifolium pallescens

Geranium robertianum

Geraniaceae

Noms en français : Géranium Herbe à Robert, Herbe à Robert.

Descripcioun :
La rouberto "vertadiero" èi gaire coumuno dins la Prouvènço dóu miejour. D'efèt trachis pulèu en basso mountagno o dins lis endré umide coume li ribo de ribiero. Se recounèis à si fueio proun retaiado e à si flour rose. Se destrìo de la rouberto-poupro, mai coumuno au miejour emé si estamino roujo e pas jauno. Coumpara emé la rouberto-pourpro que ié sèmblo proun.

Usanço :
Es uno planto vertuouso contro la cagagno, li blessaduro (fueio fresco) e lis espaime (mau de vèntre). Èi peréu anti-enflamativo, bono contro lis angino e li mountado de la. Se bèu en tisano de flour (25g/1L) o de planto secado (50g/1L) - leissa infusa 20 mm.

Port : Erbo
Taio : 10 à 60 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Geranium
Famiho : Geraniaceae

Ordre : Geraniales

Coulour de la flour : Roso
Petalo : 5
Ø (o loungour) flour : 8 à 13 mm
Flourido : Printèms - Estiéu

Sòu : Ca (Si)
Autour basso e auto : 0 à 1800 m
Aparado : Noun
Mars à juliet

Liò : Bos fre - Ribiero
Estànci : Coulinen à Mountagnard
Couroulougi : Bourealo
Ref. sc. : Geranium robertianum L., 1753

Tréule(-palinous)

Trifolium pallescens

Fabaceae Leguminosae

Noms en français : Trèfle pâle, Trèfle pâlissant.

Descripcioun :
Aquéu treulet que reballo au sòu, trachis en mountagno dins li pelouso bèn au soulèu. A quàsi pas de péu (quàuquis un sus lou pecou e lou "calice" de la flour). L'enflourejado, roso palinello, fai de 15 à 25 mm, èi pourtado pèr un pecou bèn mai long que la fueio proche, alor que la flour fai de 6 à 12 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Trifolium
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) enflourejado : 1 à 2 cm
Flourido : Estiéu

Sòu : Ca
Autour basso e auto : 1600 à 2700 m
Aparado : Noun
Juliet à setèmbre

Liò : Pelouso - Roucas
Estànci : Subaupen à Aupen
Couroulougi : Ouroufito-Sud-Éuropo
Ref. sc. : Trifolium pallescens Schreb., 1804

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Geranium robertianum & Trifolium pallescens

ges

Coumpara Rouberto emé uno autro planto

Coumpara Tréule(-palinous) emé uno autro planto